Düzgün.az xəbər verir ki, Göyçay Dövlət Peşə Liseyində 27 sentyabr Anım Günü münasibətilə tədbir keçirilib.Tədbirdə liseyin direktor əvəzi Elxan Əliyev, pedaqoji kollektiv, şəhid Vilayət Rüstəmovun oğlu Eldəniz Rüstəmov, Yeni Azərbaycan Partiyasının Göyçay rayon təşkilatının sədri Sahib Şükürov, tələbələr, şəhid məzunlarının valideynləri iştirak ediblər.
Tədbir iştirakçıları liseyin girişində Şəhidlər guşəsinin önünə gül dəstələri düzüblər.Tədbir Azərbaycan Respublikasının Dövlət Himninin səsləndirilməsi və torpaqlarımızın azadlığı,dövlətimizin suverenlyi uğrunda canlarından keçən şəhidlərimizin əziz xatirəsinin yad ediləməsi ilə başlayıb.
Liseyin direktor müavini Bahar Bədəlova çıxış edərək ,vətən müharibəsində igid əsgər və zabitlərimizin göstərdiyi şücaət tarimizin ən şanlı səhifələrindən olmasını, qəhrəmanlıq nümunələrinin təhsil müəssisələrində daim təbliğ olunmasının vacibliyini vurğulayıb.
Liseyin şəhid məzunu olan Toğrul Hacıyevin qızı Ləman Hacıyeva atasının şərəfli həyat yolunu qürurla xatırlayaraq ona həsr etdiyi şeiri səsləndirib.
Tədbirdə Peşə Təhsili üzrə Dövlət Agentliyinin direktoru Ceyhun Kərəmovun təşəbbüsü ilə dərc olunan,peşə təhsili alan və Vətən uğrunda şəhid olan qəhrəman gənclərin həyat yolunu əks etdirən “Peşə təhsilinin şəhid məzunları” adlı kitab gələn qonaqlara təqdim edilib.
About the Author
