Düzgün.az xəbər verir ki, 17 mart tarixində xalqımızın zəngin mədəniyyətini, milli-mənəvi dəyərlərini özündə əks etdirən Novruz bayramı və İlaxır çərşənbə münasibətilə Göyçay Peşə Liseyində bayram tədbiri keçirilib.
Tədbiri giriş sözü ilə açan liseyin direktor səlahiyyətlərini icra edən Elxan Əliyev pedaqoji kollektivi və tələbələri bayramlar münasibətilə təbrik edib və Novruz bayramının hər kəsə birlik və həmrəylik gətirməsini diləyib.Novruz bayramını qeyd etməyimizin özü də xalqımızın əzmi, Prezident İlham Əliyevin siyasi iradəsi və Ordumuzun rəşadətinin nəticəsi olduğunu diqqətə çatdırıb.
Daha sonra çıxış edənlər tədbir iştirakçılarını bayram münasibətilə təbrik edib, Novruzun xalqımızın əsrlərdən bəri qorunub saxlanıldığı və bütün dövrlərdə həmişə əziz və dövlət səviyyəsində qeyd edilən milli bayram olduğunu bildiriblər.
Tədbir rəsmi hissənin ardından bədii proqramla davam edib. Proqramda liseyin tələbələri tərəfindən milli rəqslər və Novruz bayramına aid adət-ənənələri əks etdirən səhnəciklər təqdim olunub.
