Düzgün.az xəbər verir ki, Göyçay Dövlət Peşə Liseyinin bir qrup tələbəsi müxtəlif idman yarışlarında fəal iştirak edərək uğurlu nəticələr qazanaraq, rayonu layiqincə təmsil ediblər.
Belə ki, yarışlarda fərqlənən tələbələr – Bağıyev İsmayıl Ağalar oğlu, Hacıyev Tunar Famil oğlu, Orucov Rəvan Əfqan oğlu,İbrahimov Bayram Natiq oğlu,Əhməd Emil Murad oğlu,Həmidov Rəşid Rəşad oğlu və Abdullayev Əliağa Ravil oğlu qazandıqları nailiyyətlərlə liseyin və rayonun adını yüksək tutublar.
Bu münasibətlə Göyçay Dövlət Peşə Liseyində qalib tələbələrlə görüş keçirilib.
Tədbiri giriş sözü ilə liseyin direktoru Elxan müəllim açaraq gənclərin idmana marağının artırılmasının, onların sağlam ruhda yetişməsinin və belə yarışlarda iştirakının əhəmiyyətindən danışıb, tələbələrin qazandıqları uğurları yüksək qiymətləndirib.
Daha sonra çıxış edən ETİHİ Göyçay Rayon Komitəsinin sədri Kəmalə Səmədova tələbələri qazandıqları nailiyyətlər münasibətilə təbrik edərək onların gələcək fəaliyyətlərində də uğurlar arzulayıb, gənclərin idmanda və təhsildə fəallığının sevindirici hal olduğunu qeyd edib.
Sonda idman yarışlarında fərqlənən tələbələrə təşəkkürnamələr və hədiyyələr təqdim olunub.
