Göyçay rayon İcra Hakimiyyəti yanında Şəhər Təsərrüfatı Birliyinin Yaşıllaşdırma Sahəsi rayonun müxtəlif ərazilərinə fəsilə uyğun ağac və gül-çiçək kollarının əkilməsi işlərini davam etdirir.
Düzgün.az xəbər verir ki, 3 dekabr tarixində rayonun M.Ə.Rəsulzadə küçəsində yerləşən İcra Hakimiyyəti binasının qarşısında mövcud olan yaşıllığın ehtiyac olan hissələrinə yenidən dekorativ gülün əkilməsinə başlanıb.
İlkin olaraq sözügedən ərazinin torpaq örtüyü hamarlanıb, çalalar qazılıb və əkilməsi üçün lazım olan zəruri hazırlıq işləri görülüb.
Daha sonra 150 ədəd tagetes gülü əkilib. Görülən işlər çərçivəsində yeni əkilən və əkilmiş gül-çiçək kolları suvarılıb, aqrotexniki qulluq olunub.
Səbuhi Eltonlu
Düzgün.az Şəhər Təsərrüfatı Birliyi
