Düzgün.az xəbər verir ki, 27 Sentyabr – Anım Günü ilə bağlı rayonun mərkəzi hissəsində olan binaların üzərlərinə Azərbaycan bayrağı asılıb. Bununla yanaşı, rayon İcra Hakimiyyəti yanında Şəhər Təsərrüfatı Birliyinin Yaşıllaşdırma sahəsi tərəfindən Şəhidlər xiyabanının ərazisində genişmiqyaslı abadlıq və təmizlik işləri həyata keçirilib.
Belə ki, Şəhidlər xiyabanının işıqlandırılması üçün nəzərdə tutulan plafonlardakı nasazlıqlar aradan qaldırılıb, ərazinin ot örtüyü biçilib.Azərbaycanın müstəqilliyi, suverenliyi və ərazi bütövlüyü uğrunda canından keçən Göyçay şəhidlərinin xatirəsinin əbədiləşdirilməsi məqsədi ilə inşa edilən Əbədi Məşəl Abidəsinin önündə güllərdən kompozisiya hazırlanıb, Azərbaycan və Türkiyə Respublikalarının bayraqları asılıb, mərmərlərin üzəri təmizlənib.
Bildirək ki, sabah Göyçay rayon İcra Hakimiyyəti təşkilatçılığı ilə “27 Sentyabr – Anım Günü” münasibətilə Şəhidlər Xiyabanında ağacəkmə aksiyası keçirilməsi nəzərdə tutulub.Bunun üçün əkiləcək ağacların yerləri müəyyən olunub, torpaq örtüyü hamarlanıb, çalalar qazılıb və əkilməsi üçün lazım olan zəruri hazırlıq işləri görülüb.
Səbuhi Eltonlu
About the Author
