Düzgün.az xəbər verir ki, yanğınlardan birincisidünən gecə saatlarında rayon mərkəzində 3 otaqlı evdə baş verib.
Belə ki, ümumi sahəsi 240 m² olan birmərtəbəli, 3 otaqlı evin 1 otağının, mətbəxin və dam örtüyünün yanar konstruksiyaları 100 m² sahədə yanıb.
Hadisə yerinə Fövqəladə Hallar Nazirliyinin Göyçay Dövlət Yanğından Mühafizə Xidmətinin canlı qüvvəsi və texnikası cəlb olunub. Evin qalan hissəsi və yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.
Digər yanğın hadisəsi isə gecə saatlarında rayonun Mehdi Hüseynzadə küçəsində “Ford” markalı minik avtomobilində baş verib. Əraziyə Fövqəladə Hallar Nazirliyinin Göyçay Dövlət Yanğından Mühafizə Xidmətinin canlı qüvvəsi və texnikası cəlb olunub.
Avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.