Göyçay Rayon İcra Hakimiyyəti yanında Şəhər Təsərrüfatı Birliyinin Yaşıllaşdırma Sahəsi tərəfindən rayonda mövcud olan yaşıllıq zolaqlarının, gül-çiçək kollarının qorunmasına, onlara aqrotexniki qulluq edilməsinə xüsusi diqqət göstərilir.
Düzgün.az xəbər verir ki, 15 sentyabr tarixində Yaşıllaşdırma Sahəsinin rəhbəri Cavanşir Qədirov başda olmaqla işçi qüvvə Heydər Əliyev prospektində yolun kənarlarına əkilən həmişəyaşıl və digər müxtəlif növ ağaclara qulluq olunub.
Belə ki, torpaq-iqlim şəraitinə uyğun olaraq ərazi yabanı otlardan təmizlənib, ağaclar budanıb, dibləri bellənərək yumşaldılıb, küləkdən qorunması üçün ağaclara dirəklər basdırılıb və suvarılaraq aqrotexniki qulluq olunub.
Qeyd edək ki, ərazinin sanitar təmizliyi də daim nəzarətdə saxlanılır, abadlıq işləri davam etdirilir. Ağaclara qulluğun olunmasında məqsəd ictimaiyyətin diqqətini yaşıllıqların bərpasına və artırılmasına yönəltmək, ətraf mühitin mühafizəsinə və iqlim dəyişikliyi ilə mübarizəyə töhfə verməkdir.
Səbuhi Eltonlu
Düzgün.az Şəhər Təsərrüfatı Birliyi
