Göyçay rayon İcra Hakimiyyətinin tapşırıq və göstərişinə əsasən, torpaq-iqlim şəraitinə uyğun olaraq rayonun müxtəlif yerlərində yaşıllıqların salınması, gül-çiçək kollarının əkilməsi, müəyyən olunmuş qrafikə uyğun olaraq gündəlik suvarılıb və gələcək mühafizəsi məqsədilə zəruri tədbirlər görülməsi Şəhər Təsərrüfatı Birliyinin Yaşıllaşdırma sahəsi tərəfindən diqqətdə saxlanılır.
Düzgün.az xəbər verir ki, növbəti iş rayonun M.Ə.Rəsulzadə küçəsində rayon İcra Hakimiyyəti binasının qarşısında, M.Ə.Rəsulzadə və Nərimanov küçələrinin kəsişməsindəki Sabir bağında icra olunub.
Sözügedən ərazilərə qazon otunun səpilməsi üçün ilkin olaraq torpaq örtüyü bellənib, hamarlanıb və səpilməsi üçün hazır vəziyyətə gətirilib.
Daha sonra qazon otu səpilib. Suvarılıb, aqrotexniki qulluq olunub.
Qeyd edək ki, ətraf mühitin sağlamlaşdırılması və ekoloji tarazlığın itməməsi üçün rayonun digər ehtiyac olan yerlərindədə yaşıllığın artılması istiqamətində müvafiq tədbirlərin görülməsi mərhələli şəkildə aparılacaq.
Səbuhi Eltonlu
Düzgün.az Şəhər Təsərrüfatı Birliyi
About the Author
