“Düzgün.az” “TechManiacs” portalına istinadən xəbər verir ki, “Apple iPhone” 17-də fiziki SIM kartlardan imtina edə bilər Avropa İttifaqı ölkələrindəki “Apple Store” əməkdaşları eSIM texnologiyası üzrə xüsusi təlimlərə cəlb olunublar.
Bu addım “iPhone 17” seriyasının bəzi modellərində fiziki SIM kart slotunun ləğv olunacağına işarədir.
Məlumatlara əsasən, bu dəyişiklik xüsusilə ultra nazik “iPhone 17 Air” modeli ilə bağlıdır. Cihazın korpus qalınlığının minimuma endirilməsi səbəbindən nano-SIM üçün nəzərdə tutulmuş slotun yerləşdirilməsi mümkün olmayıb. Nəticədə yeni model yalnız eSIM dəstəkləyəcək. Əgər iddialar təsdiqlənərsə, yenilik təkcə Avropa bazarı ilə məhdudlaşmayacaq, bütün dünyada tətbiq ediləcək.
Qeyd edək ki, “Apple” ABŞ bazarında artıq bir neçə ildir yalnız eSIM versiyalı “iPhone”lar təqdim edir. Digər regionlarda isə həm nano-SIM, həm də eSIM dəstəyi mövcuddur.