Düzgün.az xəbər verir ki, Bakıda yeddi ədəd köhnə tipli qazanxananın yenidən qurulması və modernizasiyası işlərinə başlanılıb.
Bu barədə “Azəristiliktəchizat” ASC-dən məlumat verilib.
Bildirilib ki, bunlar Nərimanov rayonu, A.Nemətulla küçəsi, 63 ünvanda 92 saylı, A.Heydərov küçəsi, 24 ünvanda 86 saylı, Nizami rayonu, T.Abbasov küçəsi, 65 ünvanda 515 saylı, Babək prospekti, 99 ünvanda 539 saylı, Yasamal rayonu, N.Nərimanov prospekti, 55 ünvanda 140 saylı, Pirallahı rayonu, 40-cı məhəllə ünvanında 533 saylı və Səbail rayonu, Badamdar qəsəbəsi, Gənclər küçəsi, 3 ünvanında 504 saylı qazanxanalardır.
Layihə çərçivəsində bu qazanxanaların tam olaraq sökülməsi, layihəyə uyğun olaraq yeni binaların tikilməsi və ən müasir avadanlıqlar quraşdırılmaqla modernləşdiriməsi işləri icra ediləcək. Yeni qazanxanaların noyabrın 15-də istilik mövsümünə istismara verilməsi nəzərdə tutulur.
Modernləşdirilən qazanxanaların quraşdırılan ümumi gücü 20.6 MVt (17.75 Qkal.saat) təşkil edir və 53 yaşayış binası, 4 məktəb, 5 uşaq bağçası, 2 səhiyyə obyekti və 24 digər istehlakçıların yüksək keyfiyyətdə istiliklə təmin edilməsinə imkan verəcək.