Düzgün.az xəbər verir ki, Göyçay Gənclər Evi SXM-də Göyçay rayonu üzrə gənclər və idman sektoru tərəfindən Göyçay Uşaq Gənclər İdman Məktəbinin məşqçi müəllimi, beynəlxalq dərəcəli hakim Hacıyev Natiq Rafiq oğluna həsr olunmuş tədbir keçirildi.
Tədbir öncəsi Azərbaycan Respublikasının dövlət suverenliyi və ərazi bütövlüyü uğrunda canından keçən şəhidlərimizin əziz xatirəsi sükutla yad edilərək, dövlət himni səsləndirildi.
Tədbir əsnasında çıxışlar edilərək, müxtəlif ifalar, rəqs nümunələri nümayiş etdirildi. Şair Qalib Nuri Arifin Natiq müəllimə həsr etdiyi şeir istedadlı gənc Tunar Feyzullayev tərəfindən səsləndirildi.
Qeyd edək ki, Hacıyev Natiq yaşla əlaqədar olaraq beynəlxalq hakimlik fəaliyyətinə vida etdi.Sektor əməkdaşları və idman ictimaiyyəti adından
Natiq müəllimə gələcək həyat və fəaliyyətində uğurlar arzulayırıq.
