Xəbər verdiyimiz kimi, Türkiyə Respublikasının İzmir şəhərində təcrübə proqramında iştirak edən Göyçay Dövlət Peşə Liseyinin mühəndis pedaqoji heyət üzvü işçi heyəti qarşısında səfər hesabatı haqqında təqdimat hazırlayıb veribdir.
Düzgün.az xəbər verir ki, Türkiyədə keçirilən görüşlə bağlı Liseyin akt zalında tədbir keçirilib.Tədbirdə Liseyin direktor əvəzi Elxan Əliyev və pedaqoji heyəti iştirak edib.
Keçirilən tədbirdə Liseyin Aqroservis mütəxəssisi qrupunun istehsalat təlimi ustası Elşad Məmmədov təlimlər zamanı Egey Universitetinin kənd təsərrüfatı sahəsi üzrə müxtəlif analiz labaratoriyalarında torpaqlardan analizlərin götürülməsi,tarla bitkilərinin toxumlarının analizləri həmçinin baxça bitkilərinin ziyanvericilərinə qarşı mübarizə aparılması tədbirləri haqqında,müasir kənd təsərrüfatı maşınlarının iş prinsipləri ilə tanış olmaq və süd məhsullarından analizlərin götürülməsi haqqında hazırladığı təqdimatla işçi heyətinə ətraflı məlumat verdi.
Bildirək ki, Elşad Məmmədov təlimlərdə fəal iştirak etdiyinə görə, həmin universitetin nümayəndəsi tərəfindən universitetin fəxri bayrağı və sertifikatı ilə təltif edilibdir.
Tədbirin sonunda Elxan Əliyev və işçi heyəti Elşad Məmmədovu təbrik edərək uğurlar arzu ediblər.
About the Author
