Məlum olduğu kimi, yay mövsümü ilə əlaqədar olaraq müəyyən olunmuş qrafikə uyğun olaraq, Göyçay rayon İcra Hakimiyyəti yanında Şəhər Təsərrüfatı Birliyinin Yaşıllaşdırma sahəsi tərəfindən rayonun müxtəlif yerlərində salınmış yaşıllıqlar, əkilmiş gül-çiçək kolları gündəlik olaraq suvarılır.
Düzgün.az xəbər verir ki, 15 iyul tarixində növbəti suvarma işi M.Ə.Rəsulzadə küçəsində yerləşən rayon İcra Hakimiyyəti binasının qarşısında, Heydər Əliyev prospektində xəritə adlanan guşədə, prospektin yol kənarlarında, M.Ə.Rəsulzadə və Nərimanov küçələrinin kəsişməsində yerləşən Sabir bağında salınmış yaşıllıq ərazisində aparılıb.
Əkilən müxtəlif növ ağaclar və dekorativ güllər sözügedən ərazilərdən keçən arxlardan pompa ilə su götürülüb və su maşını vasitəsilə suvarılıb, aqrotexniki qulluq olunub.
Ətraf mühitin sağlamlaşdırılması və ekoloji tarazlığın itməməsi məqsədi ilə Şəhər Təsərrüfatı Birliyi tərəfindən rayonda yaşıllıqlar qorunub, diqqətdə saxlanılır.
Səbuhi Eltonlu
Düzgün.az Şəhər Təsərrüfatı Birliyi
About the Author
