Prezident İlham Əliyevin müvafiq sərəncamı ilə Azərbaycanda 2025-ci il “Konstitusiya və Suverenlik İli” elan edilməsi ilə bağlı Göyçay rayon İcra Hakimiyyətinin tapşırıq və göstərişinə əsasən Şəhər Təsərrüfatı Birliyinin Yaşıllaşdırma Sahəsi tərəfindən rayonun müxtəlif yerlərinə 7436 ədəd gül-çiçək kollarının və 538 ədəd Eldar şamı və müxtəlif növ ağacların əkilməsi və qrafikə uyğun olaraq suvarılması davam etdirilsə də sapı özümüzdən olan baltalar başlayıblar görülən işlərə kölgə salmağa.
Belə ki, rayonumuzun bəzi sakinləri və rayona üz tutan qonaqlar əsassız çıxışlar edərək bildirirlər ki, yaşıllıqlar məhv edilir və vaxtlı-vaxtında suvarılmır. Bildirək ki, rayonda suvarılma işi müəyyən olunmuş qrafikə uyğun olaraq aparılır. Demək olar ki, mövcud olan bütün yaşıllıq əraziləri suvarılaraq, aqrotexniki qaydada qulluq olunur. Suvarılma işi foto və video şəkilində vətəndaşların diqqətinə çatdırılır.Bunu görməmək ən azından nadanlıq ola bilər.
Bununla yanaşı bəzi ağzı göyçəklər vurğulayır ki, başqa rayonlarda əkilən dekorativ güllər və ağaclar göz oxşayır bəs bizim rayonda niyə yoxdur?. Bu sualın cavabını mən düzgünlüklə belə cavablandırardım.Bizim rayondada müəyyən olunmuş yerlərə dekorativ güllər və ağaclar əkilir. Amma, rayonumuzda əziyyətə qiymət verməyən bəzi şəxslər tərəfindən iri və xırda buynuzlu heyvanların yaşıllıq ərazisinə daxil olması, bununla yanaşı, özləri tərəfindən əkilən ağacların, güllərin çıxarılaraq kənara atılması və çıxarılaraq özləri üçün qənimət bilmələri yaşıllığın məhv olması ilə nəticələnir. Sonrada qəhrəmanlıqlarını çəkib ictimailəşdirərək bildirirlər ki, rayonda yaşıllıq niyə məhv olur?. Həmin o, dar düşüncəlilərə sual vermək istərdik ki, bəs sizdə mərifət, qayğı və diqqət hissi niyə yoxdur?. Bilirəm suala cavab tapa bilməyəcəksiniz çünki,sizdə olmayanın nəyinə cavab tapacaqsınız.
Başa düşmək bu qədərmi çətindir ki, Şəhər Təsərrüfatı Birliyinin Yaşıllaşdırma Sahəsinin işçi kollektivi gecə-gündüz rayon ərazisində işləyərək yaşıllıq zolaqları salırlar, dekorativ güllər əkirlər, suvarıb və aqrotexniki qulluq göstərirlər.Bu zəhmətkeşlər əziyyət çəkirlər ki, göyçay gözəlliyi ilə digər rayonlardan ön cərgədə olsun.Daha zəhmət çəkmirlər ki, bəzilərinin haqqsızlığını görsünlər.
Bu yazımla həmin şəxslərə bildirmək istəyirəm ki, ekologiyanı qorumaq üçün hər birimiz ətrafımızdan və öz evimizdən başlamalıyıq.Ümid edirik ki, bu yazını oxuyub, videorolikə, şəkillərlə tanış olan şəxslər yaşıllığın olub, olmadığını gözləri ilə yaxşı görəcəklər.
Səbuhi Eltonlu
Düzgün.az Şəhər Təsərrüfatı Birliyi
Bakı-Şamaxı-Yevlax avtomobil yolunun Göyçay rayon Natavan küçəsində yerləşən Olimpiya İdman Kompleksinin qarşısı
***************
Rayonun Heydər Əliyev Prospekti ( rayona giriş olan hissə)
**************
M.Ə.Rəsulzadə küçəsi, Göyçay rayon İcra Hakimiyyəti binasının qarşısı
*****************
Heydər Əliyev prospekti, (Heydər Əliyev Mərkəzinin qarşısı)
****************
Heydər Əliyev prospekti (Xəritən qarşısı)
****************
M.Ə.Rəsulzadə küçəsi, çoxmərtəbəli yaşayış binasının qarşısında istismara yararsız vəziyyətdə olan fəvvarə kompleksində salınmış yaşıllıq
*******************
M.Ə.Rəsulzadə və Nərimanov küçələrinin kəsişməsində yerləşən Sabir bağı
***************
Heydər Əliyev prospekti ilə Nizami küçəsin kəsişməsində yerləşən yol dairəsi
***************************
Nizami küçəsində yerləşən yol dairəsi
************
Bakı-Şamaxı-Yevlax avtomobil yolunun Göyçay rayon Natavan küçəsində yerləşən yol dairəsi
***************************
Bakı-Şamaxı-Yevlax avtomobil yolunun Göyçay rayonu Natavan küçəsində yerləşən yol dairəsi
