Göyçay rayonunun bütün ərazilərində mövcud olan yaşıllıq sahələrinə aqrotexniki qaydada qulluğun göstərilməsi, əkilən ağacların inkişafı üçün, həmçinin onların küləkdən qorunması və mühafizəsi məqsədilə zəruri tədbirlərin görülməsi davam etdirilir.
Düzgün.az xəbər verir ki, 2 iyul tarixində Şəhər Təsərrüfatı Birliyinin Yaşıllaşdırma Sahəsi tərəfindən qrafikdə nəzərdə tutulmuş qaydada növbəti suvarılma rayonun Əli Kərim parkında, M.Ə.Rəsulzadə və Nərmanov küçələrinin kəsişməsində yerləşən Sabir bağında və Heydər Əliyev prospektində park ərazisində əkilən müxtəlif ağaclar və gül-çiçək kollarının suvarılması aqrotexniki qaydalara uyğun aparılaraq, suvarılıb.
Ətraf mühitin sağlamlaşdırılması və ekoloji tarazlığın itməməsi məqsədi ilə Şəhər Təsərrüfatı Birliyi tərəfindən rayonda yaşıllıqlar qorunub, diqqətdə saxlanılır.
Səbuhi Eltonlu
Düzgün.az Şəhər Təsərrüfatı Birliyi
