Düzgün.az xəbər verir ki, Göyçay Dövlət İdarəetmə və Texnologiya Kollecinin direktoru Ramil Vəliyev, Gəncə Dövlət Universiteti nəzdində Regional Kollecinin direktoru Nigar Səfxanova, GDRK rəhbər heyəti və bir qrup GDİTK məzun tələbələri Gəncə Memorial Kompleksini ziyarət edib. 2020-ci ilin oktyabrında, İkinci Qarabağ müharibəsi dövründə Gəncə şəhəri Ermənistan ordusu tərəfindən 5 dəfə bombalanmışdır.
Raket zərbələri nəticəsində ümumilikdə 27 nəfər həyatını itirib, 125 nəfər yaralanıb. Kompleks raket zərbələrinə məruz qalmış mülki yaşayış binalarının və keçmiş parkın yerləşdiyi ərazidə yaradılıb.
Gəncə Memorial Kompleksinin təməli 2022-ci ilin 30 yanvar tarixində Azərbaycan Respublikasının Prezidenti Cənab İlham Əliyev tərəfindən qoyulub və 2025-ci ilin 27 sentyabr tarixində — Anım Günündə kompleksin açılışı olmuşdur. Allah bütün şəhidlərimizə rəhmət eləsin!
