Düzgün.az xəbər verir ki, 30 iyun tarixində Göyçay Dövlət Peşə Liseyində “Məzun günü” keçirilib. Tələbələrin “Məzun Günü” ndə Liseyin direktor əvəzi Elxan Əliyev, müəllim heyəti, tələbələr, məzunların ailələri, eləcə də bir sıra rəsmi qonaqlar iştirak ediblər.
Məzun günü tədbirində ilk olaraq Dövlət himni səsləndirilib, daha sonra torpaqlarımızın azadlığı uğrunda həlak olan şəhidlərimizin əziz xatirəsi bir dəqiqəlik sükutla yad edilib.
Açılış nitqi ilə çıxış edən Elxan Əliyev məzunları təbrik edib, onlara gələcək həyat yolunda uğurlar arzulayıb.Qeyd edib ki, bu mərhələ yalnız bir təhsil pilləsinin başa çatması deyil, eyni zamanda, tələbələrin əldə etdikləri bilik və bacarıqları cəmiyyətin rifahı üçün tətbiq edəcəkləri yeni bir dövrün başlanğıcıdır. Prezident, Müzəffər Ali Baş Komandan İlham Əliyevin rəhbərliyi ilə Azərbaycanın ərazi bütövlüyünün təmin olunmasından, lokal antiterror əməliyyatı ilə dövlət suverenliyimizin tam bərpa edilməsindən qürurla danışıb. Eyni zamanda, ölkədə ali təhsil sahəsində həyata keçirilən uğurlu dövlət siyasətindən və Liseyin son illərdə əldə etdiyi nailiyyətlərdən bəhs edib.
Daha sonra digər qonaqlarla yanaşı liseydə uzun illər çalışmış liseyin qocaman, təqaüdçü müəllimləri çıxış edərək məzunları təbrik edib, xoş arzularını bildiriblər.
Sonra Elxan Əliyev üç illik qruplar üzrə məzun olan tələbələrə tam orta təhsil haqqında attestatları təqdim edib.
Tədbirin rəsmi hissəsi məzunların ənənəvi “papaq atma” mərasimi ilə başa çatıb.Musiqi proqramı təqdim olunub, xatirə şəkilləri çəkilib.
Səbuhi Eltonlu
About the Author
