Düzgün.az xəbər verir ki, Moskvanın Presnenski Rayon Məhkəməsi azərbaycanlı bloger Hüseyn Həsənovun dörd il müddətinə azadlıqdan məhrum edilməsi haqqında qərar verib.
H.Həsənov çirkli pulların yuyulmasında təqsirli bilinib. Məhkəmə onun Presnenski rayonundakı 46 milyon rubl (təxminən 964 min manat) dəyərində qeyri-yaşayış əmlakının dövlət xeyrinə müsadirə edilməsi barədə qərar verib.
İş materiallarına görə, Həsənov 2019-2021-ci illər arasında 175 milyon rubl vergini az ödəyib. O, pulun bir hissəsini daşınmaz əmlaka yatırmaqla yuyub. Lakin bloger sonradan Federal Vergi Xidmətinə olan borcunu ödəyib və ona qarşı vergidən yayınma ittihamları ləğv edilib.
Həsənovun hazırda BƏƏ-də yaşadığı güman edilir.
O, özünü çirkli pulların yuyulması işində özünü günahkar hesab etmədiyini bildirib. Vəkili Mixail Yusupovun sözlərinə görə, bloger büdcəyə təxminən 300 milyon rubl ödəyərək dövlətə vergi borcunu çoxdan ödəyib.