Düzgün.az xəbər verir ki, Azərbaycanın UEFA Konfrans Liqasındakı təmsilçisi “Neftçi” bu gün turnirdə ilk oyununa çıxacaq.
Bakı klubu doğma meydanda Belarusun “Dinamo” (Minsk) kollektivini qəbul edəcək.
“Palms Sports Arena”da keçiriləcək görüş saat 20:00-da başlayacaq.
Matçı kiprli FIFA referisi Konstantinos Fellas idarə edəcək.
Qeyd edək ki, komandalar arasında cavab qarşılaşması iyulun 30-da Minskdə təşkil olunacaq. Bu raundun qalibi “Jelezniçar” (Serbiya) – “Braqa” (Portuqaliya) cütünün güclüsü ilə üz-üzə gələcək.