Düzgün.az xəbər verir ki, Azərbaycan Təhsil İşçiləri Azad Həmkarlar İttifaqı Ağsu Rayon Komitəsi və Dağlıq Şirvan Regional Təhsil İdarəsinin Ağsu Rayon sektorunun birgə təşkilatçılığı ilə Uşaq Gənclər İdman Şahmat məktəbində 26 iyun Silahlı Qüvvələr günü münasibətilə tədbir keçirilib.
Tədbirdə təhsil sahəsində çalışan Şəhid ailələri, qazilər, müharibə iştirakçıları, pedaqoji iştirak edib.
Görüş Ümummilli Lider Heydər Əliyevin və Azərbaycanın bütövlüyü uğrunda canlarında keçmiş şəhidlərin əziz xatirəsini bir dəqiqəlik sükutla yad edilməsi ilə başlayıb.
Tədbirdə çıxış edənlər bildiriblər ki, Ulu Öndər Heydər Əliyev hakimiyyətdə olduğu bütün dövrlərdə ordu quruculuğu, milli hərbi kadrların yetişdirilməsi məsələsini daim diqqətdə saxlayıb, bu istiqamətdə böyük işlər həyata keçirilib. Ümummilli Liderin başladığı mütərəqqi siyasət hazırda Prezident, Silahlı Qüvvələrin Müzəffər Ali Baş Komandan İlham Əliyev tərəfindən uğurla davam etdirilir.
Qeyd olunub ki, Müzəffər Ali Baş Komandanın müdrik rəhbərliyi sayəsində torpaqlarımızın işğaldan azad edilməsi ilə nəticələnən şanlı 44 günlük Vətən müharibəsi və 2023-cü ilin sentyabr ayında keçirilmiş uğurlu antiterror tədbirləri Azərbaycan Silahlı Qüvvələrinin əsl gücünü göstərib.
Daha sonra tədbirin bədii hissəsində balaca fidanlar vətənpərvərlik ruhunda hazırladıqları rəqslər, mahnılar və şeirlər təqdim olunub.
Sonda təhsildə çalışan Şəhid valideynlərinə, müharibə iştirakçılarına, qazilərə və balaca fidanlarmıza Azərbaycan Təhsil İşçiləri Azad Həmkarlar İttifaqı tərəfindən hədiyyələr verilib.
About the Author
