Düzgün.az xəbər verir ki, Azərbaycan hökuməti tərəfindən 2030-cu ilədək ölkənin elektrik enerjisi qoyuluş gücündə bərpa olunan enerji üzrə payın 30%-ə çatdırılması hədəfinə nail olunması istiqamətində layihələrin icrası uğurla davam etdirilməkdədir.
Bunu açıqlamasında Energetika Nazirliyi yanında Bərpa Olunan Enerji Mənbələri Dövlət Agentliyinin Layihələrin idarə edilməsi şöbəsinin müdiri Cəbrayıl Əliyev deyib.
Şöbə müdiri vurğulayıb ki, 2027-ci ilədək 2 QVt civarında sənaye miqyaslı günəş və külək elektrik stansiyasılarının inşası və şəbəkəyə qoşulması ilə bağlı planların icrası istiqamətində işlər davam etdirilməkdədir.
“Azərbaycanın 2024-cü il üzrə elektrik enerjisi stansiyalarının ümumi qoyuluş gücü 8 415 MVt, bərpa olunan enerji mənbələri üzrə elektrik stansiyalarının gücü 1 792 MVt təşkil edir ki, bu da ümumi gücün 21,3 %-ni təşkil edib. Qeyd olunan mühüm layihələrin icrası nəticəsində 2030-cu il üçün nəzərdə tutulan hədəfə daha erkən nail olunması planlaşdırılır”, – deyə C.Əliyev qeyd edib.
About the Author
