Düzgün.az xəbər verir ki, Azərbaycan Ordusunun Birinci Qarabağ müharibəsində itkin düşən döyüşçüsü Hüseynov Rafiq Hüseyn oğlunun nəşinin qalıqları 20 fevral 2026-cı il tarixində Bakı şəhərinin Qaradağ rayonu, Lökbatan qəsəbəsində yerləşən Şəhidlər xiyabanına gətirilərək dəfn olundu.
Dəfn mərasimində Qaradağ Rayon İcra Hakimiyyəti başçısının səlahiyyətlərini icra edən, başçının birinci müavini Emil Abbasov, rayon icra hakimiyyətinin başçısı aparatının rəhbər şəxsləri, Qaradağ Rayon hüquq-mühafizə orqanlarının rəhbərləri, Ağdam Rayon İcra Hakimiyyətinin rəhbər şəxsləri, şəhidin ailə üzvləri, yaxınları və ictimaiyyət nümayəndələri iştirak ediblər. Mərasim zamanı şəhidin məzarı üzərinə əklil və gül dəstələri qoyulmuş, Vətənimizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilmişdir.
Qeyd edək ki, Hüseynov Rafiq Hüseyn oğlu 16 aprel 1974-cü ildə Ağdam rayonunun Qiyaslı kəndində anadan olmuşdur. O, 15 iyun 1992-ci ildə Ağdərə rayonu uğrunda gedən döyüşlərdə itkin düşmüşdür.
Şəhid ailələrinin üzvləri şəhid ailələrinə göstərdikləri diqqət və qayğıya görə Azərbaycan Respublikasının Prezidenti cənab İlham Əliyevə və Azərbaycan Respublikasının Birinci vitse-prezidenti Mehriban xanım Əliyevaya öz minnətdarlıqlarını ifadə ediblər.
About the Author
