Düzgün.az xəbər verir ki, Vnukovo hava limanında 18,5 milyon rubl dəyərində beş üzük gətirdiyinə görə Azərbaycan vətəndaşı saxlanılıb.
Bu barədə Rusiya Federal Gömrük Xidmətinin mətbuat xidməti məlumat yayıb.
“Gömrük əməkdaşları ümumi dəyəri 18,5 milyon rubl olan zərgərlik məmulatlarının qaçaqmalçılığının qarşısını alıblar. Bəyan edilməmiş mallar Dubaydan gələn 33 yaşlı Azərbaycan vətəndaşının baqajında aşkar edilib”, – agentliyin mətbuat xidməti bildirib.
Qadının üzərində daş inkrustasiyalı ağ metal üzüklər tapılıb. Onlar ekspertizaya göndərilib. Test zamanı zərgərliyin 750 və 950 karatlıq qızıl və platin ərintilərindən, o cümlədən brilyantlardan hazırlandığı məlum olub. Gömrük əməkdaşları zərgərlik məmulatlarını müsadirə ediblər. Ona qarşı cinayət işi açılıb. Azərbaycan vətəndaşını indi beş ilə qədər həbs cəzası və ya bir milyon rubla qədər cərimə ilə gözləyir.
.jpg)