Düzgün.az xəbər verir ki, son günlər Xalq artisti Niyaməddin Musayevin qızı Röya Musayeva haqqında informasiyalar sosial mediada böyük müzakirələrə səbəb olub. Belə ki, Röya Musayevanın Fövqəladə Hallar Nazirliyində nazir Kəmaləddin Heydərovun əmri ilə vəzifəsindən azad olunması barədə xəbərlər yayılıb.
Yayılan məlumatlarla bağlı Röya Musayeva Oxu24.com-a müsahibə verib.
Həmin müsahibədən bir hissəni təqdim edirik:
– Röya xanım, bu gün yerli mediada Sizin vəzifənizdən azad olunmağınız barədə məlumat yayıldı. Bu informasiya müəyyən suallara səbəb oldu. Siz nə zaman vəzifənizdən azad olunmusunuz?
– Bütün bunlar yalnış informasiyalardır. Mən Kanadaya köçməmişdən öncə ərizəmi yazıb işdən çıxmışam. Bundan əvvəl yazılan xəbərlərdə də mənim həmin nazirlikdə işlədiyim yazılmışdı. Yəni əvvəllər işləmişəm, hazırda yox…Yayılan xəbərdə “hazırda orada işləyir” yazılmamışdı axı… Bu xəbərlər hardan çıxdı?
– Röya xanım, sosial şəbəkələrdə Sizin müğənni Təranə Qumralın müraciətindən sonra işdən çıxarılmağınız yazılır. Buna münasibətiniz?
– Xeyr, bu tamamilə əsassız xəbərlərdir. Dedim axı, saytlarda yazılan informasiyalarda “işləyib” yazılmışdı.Öz ərizəmlə illər öncə işdən azad olunmuşam. Xahiş edirəm, bu xəbərləri yazarkən Fövqəladə Hallar Nazirliyinin İctimaiyyətlə Əlaqələr şöbəsinin rəsmi məlumatlarına istinad edin. Orada hər şey yazılıb. Bəzi jurnalistlər, adamlar qruplaşma yaradıblar. Müəyyən təbliğatlar aparırlar. Ayıbdır, vallah… Qurumla durumun mənasını ayırd edə bilməyən adam məni işdən necə çıxartdıra bilər ki?…Mümkünatsız şeydir…
– Röya xanım, ən çox müzakirə mövzusu Sizin “polkovnik” rütbənizlə bağlıdır. Münasibətiniz?
– Yalnışdır… Məni bu cürə mənasız suallarla narahat etməyin… Əsassızdır…
– Bəs sizin vətəndaşlarla, şəhid ailələri ilə görüşləriniz olub. Həmin görüşlərdən fotolar var…
– Mən Nazirliyin işçisi olmuşam. Vətəndaşlarla görüşməyim normal haldır. Burada nə var ki?
– Siz məni doğru başa düşmədiniz… Formada görüşünüzü nəzərdə tuturam…
– Hamısı boş iddialardır…Sübutlarla gəlin, insanları boş-boş ittiham etməyin. Hamısı o xanımın iddialarıdır. Yaxında özüm geniş açıqlama verəcəyəm, sağ olun…