Xəbər verdiyimiz kimi, bu gün saat 16:40-da rayonun Füzuli küçəsində bir-birinə bitişik 4 ailəyə məxsus fərdi yaşayış evlərində yanğın hadisəsi baş verib.
Düzgün.az xəbər verir ki, yanğın nəticəsində rayon sakinləri — 1977-ci il təvəllüdlü Elnur İsmayılov və 1955-ci il təvəllüdlü Almaz Əliyevaya məxsus evlərin yanar konstruksiyaları tamamilə yanaraq yararsız hala düşüb. Həmin evlərdə eyni zamanda Azər Şəfiyev və Nurəngiz Şəfiyeva ailələri də yaşayırmış.
Belə ki, yanğın zamanı Azər Şəfiyevə məxsus ümumi sahəsi 110 kvadratmetr olan 3 otaqlı evin 2 otağı və dam örtüyünün 78 kvadratmetri, Nurəngiz Şəfiyevaya məxsus ümumi sahəsi 150 kvadratmetr olan 4 otaqlı evin isə 2 otağı və dam örtüyünün 78 kvadratmetri yanaraq yararsız vəziyyətə düşüb.
Dərhal əraziyə Fövqəladə Hallar Nazirliyinin Göyçay Rayon Dövlət Yanğından Mühafizə hissəsinin canlı qüvvəsi və texnikası cəlb olunub. Yanğınsöndürənlərin operativliyi sayəsində yanğının digər evlərə keçərək yayılmasının qarşısı alınıb.
Qeyd edək ki, yanğın zamanı xəsarət alan olmayıb. Faktla bağlı araşdırma aparılır.
****
16:50
Düzgün.az xəbər verir ki, bu gün saat 16:40-da rayonun Füzuli küçəsində bir-birinə bitişik 4 ailəyə məxsus fərdi yaşayış evlərində yanğın hadisəsi baş verib.
Dərhal əraziyə Fövqəladə Hallar Nazirliyinin Göyçay Rayon Dövlət Yanğından Mühafizə hissəsinin canlı qüvvəsi və texnikası cəlb olunub.
Hazırda yanğının söndürülməsi istiqamətində zəruri işlər həyata keçirilir.
Ətraflı məlumat veriləcək.
About the Author
