Bildirilib ki, bu gün saat 19 radələrində Oğuz rayonunun Sincan kəndi ərazisində “Mercedes Vito” markalı mikroavtobusun sürücüsü Mahama Dibirovun idarəetməni itirməsi nəticəsində nəqliyyat vasitəsi ağaca çırpılıb.
Nəticədə avtomobildə olan sərnişin, 64 yaşlı Balakən rayonunun Qazma kənd sakini Şadnus Hümbətov aldığı xəsarətlərdən hadisə yerində ölüb.
Faktla bağlı cinayət işi başlanılıb, araşdırma aparılır.
***
21:57
Düzgün.az xəbər verir ki, Oğuzda mikroavtobusun ağaca çırpılması zamanı ölən və yaralan şəxslər Balakən rayon sakinləridir.
Qəzaya uğrayan mikroavtobus Bakıdan Balakən rayonuna gedirmiş.
Qəza zamanı hələ ki, şəxsiyyəti müəyyən edilməyən bir sərnişin aldığı ağır xəsarətlərdən hadisə yerində ölüb.
Daha 6 nəfər isə Oğuz RMX-nın Təcili Tibbi Yardım şöbəsinə yerləşdirlib./APA
***
20:51
Düzgün.az xəbər verir ki, hadisə Qaraməryəm-İsmayıllı-Şəki magistral yolunun Sincan kəndindən keçən hissəsində qeydə alınıb.
Belə ki, “Mercedes Vito” markalı mikroavtobus idarəetmədən çıxaraq ağaca çırpılıb.
İlkin məlumata görə, qəza zamanı 1 nəfər ölüb, daha bir neçə nəfər isə müxtəlif dərəcəli xəsarətlər alıblar.
Yaralılar Oğuz Rayon Mərkəzi Xəstəxanasına çatdırılıblar.
Faktla bağlı araşdırma aparılır./Report