Xəbər verdiyimiz kimi, mövsümlə əlaqədar Göyçay Rayon İcra Hakimiyyəti yanında Şəhər Təsərrüfatı Birliyinin Yaşıllaşdırma Sahəsi rayonda mövcud olan yaşıllıqları, əkilən gül-çiçək kollarını mütamadi olaraq suvarır və ekoloji tarazlığı bərpa etmək istiqamətində işlər görür.
Düzgün.az xəbər verir ki, 19 dekabr tarixində sözgüdən sahənin işçi heyəti tərəfindən rayonun Heydər Əliyev prosketindəki parkda yol kənarlarına və M.Ə.Rəsulzadə küçəsində yerləşən rayon İcra Hakimiyyəti binasının qarşısına əkilən qızılgül kolları, müxtəlif növ ağaclar suvarılıb, aqrotexniki qulluq olunub.
Qeyd edək ki, rayonda yaşıllıqların qorunması, ətraf mühitin mühafizəsinə ictimai dəstəyin gücləndirilməsi, ekoloji məsuliyyət hissinin artırılması və iqlim dəyişikliklərinə qarşı maarifləndirmənin genişləndirilməsi Şəhər Təsərrüfatı Birliyi tərəfindən diqqətdə saxlanılır.
Səbuhi Eltonlu
Düzgün.az Şəhər Təsərrüfatı Birliyi
About the Author
