Göyçay Rayon İcra Hakimiyyəti yanında Şəhər Təsərrüfatı Birliyinin Yaşıllaşdırma Sahəsi tərəfindən rayonda yaşıllıqları genişləndirmək, ekoloji tarazlığı bərpa etmək, insanlara təbiətə mədəniyyət və qayğı hissini aşılamaq istiqamətində işlərin görülməsi davam edir.
Düzgün.az xəbər verir ki, 17 dekabr tarixində sözügedən sahənin işçi heyəti Heydər Əliyev prosketində yerləşən parka cəlb olunub.Müəyyən olunan qrafikə əsasən parkın yaşıllıq hissəsinə mövsümə uyğun qızılgül kolunun əkilməsinə başlanıb.
Əvvəlcə ərazi alaq otlarından və qurumuş xəzəl yarpaqlarından təmizlənib.Torpaq örtüyü hamarlanıb, çalalar qazılıb və əkilməsi üçün lazım olan zəruri hazırlıq işləri görülüb.
Daha sonra 200 ədəd qızılgül kolu əkilib.Suvarılıb və aqrotexniki qulluq göstərilib.
Qeyd edək ki, yaşıllıq ərazilərinin nəzarətdə saxlanılması, mütəmadi olaraq qulluğun göstərilməsi üçün müvafiq tədbirlər bundan sonra da davam etdiriləcək.
Səbuhi Eltonlu
Düzgün.az Şəhər Təsərrüfatı Birliyi
About the Author
