Düzgün.az xəbər verir ki,Macarıstanın paytaxtı Budapeştdə keçirilən dünya çempionatını davam edir.
Bu gün Azərbaycanın daha iki cüdoçusu mübarizəyə qoşulacaq.
Vüqar Talıbov və Elcan Hacıyev (hər ikisi 90 kq) tatami üzərinə çıxacaq. V.Talıbov 1/32 finalda gürcüstanlı Luka Maysuradze ilə qarşılaşacaq. E.Hacıyev isə 1/16 finalda Nurbek Murtuzoev (Özbəkistan) – Remi Feullet (Mavriki) cütünün qalibi ilə üz-üzə gələcək.
Qeyd edək ki, Azərbaycanı mundialda 10 çəki dərəcəsində 13 cüdoçu (9 kişi, 4 qadın) fərdi yarışlarda təmsil edir. Millimiz həmçinin qarışıq komanda yarışında mübarizə aparacaq. Hələlik cüdoçularımızdan yalnız Zelim Tçkayev bürünc medal qazanıb.