Düzgün.az xəbər verir ki, 11 dekabr tarixində Göyçay Rayon İcra Hakimiyyəti yanında Şəhər Təsərrüfatı Birliyinin texnikası və canlı qüvvəsi rayonun M.Ə.Sabir, Rəsul Rza, M.Füzuli və Bakı küçəsinə cəlb olunub.
Belə ki, 8 Saylı Mingəçevir şəhər Ekologiya və Təbii Sərvətlər İdarəsi ilə razılaşma əsasında Yaşıllaşdırma Sahəsi tərəfindən həddindən artıq qol-budaq atıb sözügedən küçələrdə fərdi yaşayış evlərinə, sürücülərə və piyadalara təhlükə törədən ağacların budanılmasına başlanıb.Budanılan budaqlar ərazidən götürülüb, yarana biləcək təhlükənin qarşısı alınıb.
Qeyd edək ki rayonda insan həyatı, ümumiyyətlə ətraf mühitə təhlükə törədən qurumuş ağacların kəsilməsi və ağacların qurumuş budaqlarının budanılması işləri diqqətdə saxlanılır.
Səbuhi Eltonlu
Düzgün.az Şəhər Təsərrüfatı Birliyi
About the Author
