Göyçay Rayon İcra Hakimiyyəti yanında Şəhər Təsərrüfatı Birliyinin Yaşıllaşdırma Sahəsi tərəfindən rayonda yaşıllıqları genişləndirmək, ekoloji tarazlığı bərpa etmək, insanlara təbiətə mədəniyyət və qayğı hissini aşılamaq istiqamətində işlərin görülməsi davam edir.
Düzgün.az xəbər verir ki, 5 dekabr tarixində Heydər Əliyev prosketində yerləşən park ərazinin (xəritənin qarşısı) yaşıllıq hissəsinə növbəti dəfə mövsümə uyğun qızılgül kolunun və dekorativ gülün əkilməsinə başlanıb.
Belə ki, Yaşıllaşdırma Sahəsinin işçi heyəti sözügedən ünvana baxış keçirib, əkiləcək yerlər müəyyən edilib.Ərazi alaq otlarından və qurumuş xəzəl yarpaqlarından təmizlənib.Torpaq örtüyü hamarlanıb, çalalar qazılıb və əkilməsi üçün lazım olan zəruri hazırlıq işləri görülüb.
Daha sonra 50 ədəd qızılgül kolu və 150 ədəd tagetes dekorativ gül əkilib.Suvarılıb və aqrotexniki qulluq göstərilib.
Qeyd edək ki, yaşıllıq ərazilərinin nəzarətdə saxlanılması, mütəmadi olaraq qulluğun göstərilməsi üçün müvafiq tədbirlər bundan sonra davam etdiriləcək.
Səbuhi Eltonlu
Düzgün.az Şəhər Təsərrüfatı Birliyi
About the Author
