Xəbər verdiyimiz kimi, Göyçay rayonunun müxtəlif yerlərində mövcud olan yaşıllıq ərazilərinə müəyyən olunmuş qrafikə əsasən gül-çiçək kollarının əkilməsi, aqrotexniki qulluğun olması davam etdirilir.
Düzgün.az xəbər verir ki, 4 dekabr tarixində Göyçay Rayon İcra Hakimiyyəti yanında Şəhər Təsərrüfatı Birliyinin Yaşıllaşdırma Sahəsi tərəfindən rayonun Heydər Əliyev prospekti ilə Nizami küçəsinin kəsişməsində yerləşən yol dairəsinin ehtiyac olan yerlərinə qızılgül kolunun əkilməsi işlərinə başlanıb.
Əvvəlcə sözügedən ərazi alaq otlarından, qurumuş xəzəl yarpaqlarından təmizlənib.Torpaq örtüyü hamarlanıb, çalalar qazılıb və əkilməsi üçün lazım olan zəruri hazırlıq işləri görülüb.
Daha sonra 100 ədəd qızılgül kolu əkilib. Suvarılıb və aqrotexniki qulluq göstərilib.
Onu da qeyd edək ki, yaşıllıqlar salınan ərazilərdə eyni zamanda abadlıq və təmizləmə işləri görülür, yaşıllıqların suvarılması təmin edilir. Ərazilərin nəzarətdə saxlanılması, salınan yaşıllıqlara mütəmadi qulluq göstərilməsi üçün müvafiq tədbirlər bundan sonra davam etdiriləcək.
Səbuhi Eltonlu
Düzgün.az Şəhər Təsərrüfatı Birliyi
