Düzgün.az xəbər verir ki, 24 noyabr tarixində Kürdəmir Rayon Mərkəzi Xəstəxanasının akt zalında Kürdəmir Rayon İcra Hakimiyyətinin birgə təşkilatçılığı ilə “Himayədar ailə” institunun inkişafına hədəflənən tədbir həyata keçirilib.
Tədbiri giriş sözü ilə açan Kürdəmir Rayon Mərkəzi Xəstəxanasının direktoru Elçin Bilalov çıxış edərək qeyd edib ki, hər kəsin maariflənməsi üçün. əxlaqi-mənəvi dəyərlər ruhunda tərbiyəsi üçün belə tədbirlərin keçirilməsi çox əhəmiyyətlidir .
Tədbirdə Kürdəmir Rayon İcra Hakimiyyətinin baş məsləhətçisi Rahov Razim və Sosial Xidmətlər Agentliyinin Mərkəzi Aran regional filalının baş mütəxəssisi Qurbanov Elşad iştirak edib və geniş məlumat veriblər.
Prezident İlham Əliyev tərəfindən imzalanan yeni qanunvericilik aktları ilə Azərbaycan himayədar ailə inistutunun tətbiqinə başlanır.”Himayədar ailə” qayğı modeli valideyinlərinin itirmiş valideyin himayəsindən məhrum olmuş ,valideyinləri tərəfindən müəssəyə qoyulmuş uşaqların qısa və ya uzun müddət ərzində dövlət nəzarəti altında ödənişli əsaslarla ailə mühitində böyüməsinin nəzərdə tutur.Ümumilikdə “Himayədar ailə” qayğı modeli valideynlərini itirmiş və ya valideyn himayəsindən məhrum olmuş uşaqların müqavilə əsasında müvəqqəti ailə yanında yerləşdirilməsini nəzərdə tutan alternativ uşaq qayğı modelidir. “Himayədar ailə” qayğı modelində himayədar ailələr müqavilə əsasında onların yanına yerləşdirilmiş uşaqların qidalanması, təhsili, sağlamlığı, fiziki və əqli inkişafının qeydinə qalır, onların ailə mühitində böyüməsinə şərait yaradır və buna görə dövlət tərəfindən müəyyənləşdirilən stimullaşdırıcı dəstək mexanizmlərindən istifadə edirlər.
Övladlığagötürmədən fərqli olaraq “Himayədar ailə” qayğı modelində uşaq ailə yanında müvəqqəti yerləşdirilir, uşaqla himayədar valideynlər arasında valideynlik münasibətləri yaranmır və uşaq ailənin varisi sayılmır. Uşaqların xoşbəxt və qayğısız gələcəyi üçün onların qayğıya, müdafiəyə, sevgiyə ehtiyacı vardır. Bunlar valideynlik bacarıqları və motivasiyası ilə bağlıdır. Bizim məqsədimiz himayədar ailələri düzgün qiymətləndirib uşağın mənafeyi baxmından daha uğurlu himayədar valideynlərin seçilməsi prosesini təşkil etməkdir.
About the Author
