Düzgün.az xəbər verir ki, Göyçay Rayon İcra Hakimiyyətinin başçısı Orxan Mürsəlov şəhid ailələrinin üzvləri ilə birgə torpaqlarımızın azadlığı uğrunda canından keçən qəhrəman Vətən oğullarının əziz xatirəsini yad etmək məqsədilə Göyçay şəhər Şəhidlər Xiyabanını ziyarət edib, onların məzarları üzərinə gül dəstələri düzərək dərin ehtiramını ifadə edib.Uca Tanrıdan bütün şəhidlərimizə rəhmət, yaxınlarına səbir diləyib.
Şəhid ailələrinə belə vətənpərvər, şücaətli, cəsur oğullar böyütdükləri üçün təşəkkürünü bildirib. Torpaqlarımızın azadlığı uğunda qəhrəmancasına həlak olan şəhidlərin əziz xatirəsinin hər zaman yaddaşlarda yaşayacağını vurğulayıb. Öz qanları ilə Zəfər tariximizi yenidən yazan igidlərin adlarının tarixə əbədi həkk olunduğunu diqqətə çatdırıb.
Görüşdə iştirak edən şəhid ailələri onlara göstərilən diqqət və qayğıya görə prezident İlham Əliyevə, Birinci-vitse prezident, Mehriban xanım Əliyevaya və rayon rəhbərliyinə təşəkkürlərini və minnətdarlıqlarını bildiriblər.
About the Author
