Göyçayda torpaq-iqlim şəraitinə uyğun olaraq rayonun müxtəlif yerlərində yaşıllıqların salınması, gül-çiçək kollarının əkilməsi, müəyyən olunmuş qrafikə uyğun olaraq suvarılıb və gələcək mühafizəsi məqsədilə zəruri tədbirlər görülməsi Şəhər Təsərrüfatı Birliyinin Yaşıllaşdırma Sahəsi tərəfindən diqqətdə saxlanılır.
Düzgün.az xəbər verir ki, növbəti iş 17 noyabr tarixində rayonun Nərimanov küçəsində yerləşən məhkəmənin qarşısında icra olunub.Sözügedən ərazidə dekorativ gülün əkilməsi və qazon otunun səpilməsi üçün ilkin olaraq torpaq örtüyü bellənib, hamarlanıb və əkilməsi üçün hazır vəziyyətə gətirilib.
Daha sonra çalalar qazılaraq 250 ədəd müxtəlif növ dekorativ gül əkilib.Bununla yanaşı qazon otu səpilib.Suvarılıb, aqrotexniki qulluq olunub.
Qeyd edək ki, ətraf mühitin sağlamlaşdırılması və ekoloji tarazlığın itməməsi üçün rayonun digər ehtiyac olan yerlərindədə yaşıllığın artılması istiqamətində müvafiq tədbirlərin görülməsi mərhələli şəkildə aparılacaq.
Səbuhi Eltonlu
Düzgün.az Şəhər Təsərrüfatı Birliyi
