Xəbər verdiyimiz kimi, Orxan Çingiz oğlu Mürsəlov noyabrın 12-də Prezident İlham Əliyevin Sərəncamı ilə Gədəbəy Rayon İcra Hakimiyyətinin başçısı vəzifəsindən azad edilərək Göyçay Rayon İcra Hakimiyyətinin başçısı təyin edilib.
Düzgün.az xəbər verir ki, Prezidentin köməkçisi – Ərazi-təşkilat məsələləri şöbəsinin müdiri Zeynal Nağdəliyev Göyçay Rayon İcra Hakimiyyətinin başçısı Orxan Mürsəlovu noyabrın 13-də rayon ictimaiyyətinin nümayəndələrinin iştirakı ilə kollektivə təqdim edib.
Təqdimatda Zeynal Nağdəliyev çıxış edib və ölkə başçısının tapşırıq və tövsiyələrini çatdırıb.
O.Mürsəlov ona göstərilən etimada görə minnətdarlıq edib.
