Düzgün.az xəbər verir ki, 7 noyabr tarixindəKürdəmir Rayon Mərkəzi Xəstəxanasının akt zalında “Konstitusiya və Suverenlik İli” çərçivəsində Yeni Azərbaycan Partiyasının Kürdəmir rayon təşkilatının inzibati binasında “8 Noyabr – Zəfər Günü” münasibətilə tədbir keçirilib.
Tədbirdə xəstəxananın direktoru Elçin Bilalov, xəstəxananın kollektivi, şəhid anaları, həyat yoldaşları və veteranlar iştirak edib.
Əvvəlcə Azərbaycanın azadlığı, bütövlüyü və suverenliyi uğrunda canından keçmiş şəhidlərimizin xatirəsi 1 dəqiqəlik sükut ilə yad edilib. Azərbaycan Respublikasının dövlət himni səsləndirilib.
Tədbiri giriş sözü ilə açan xəstəxananın direktoru E.Bilalov şəhidlərimizə Allahdan rəhmət, ailələrinə səbir diləyib.44 günlük Vətən müharibəsinin xalqımızın birlik, cəsarət və qətiyyət rəmzinə çevrildiyini, Ali Baş Komandan İlham Əliyevin rəhbərliyi ilə ordumuzun qazandığı şanlı Zəfərin Azərbaycan tarixində əbədi iz qoyduğunu vurğulayıb. Çıxışında vurğulayıb ki, ordumuzun keçdiyi döyüş yolunun hər bir səhifəsi əsl qəhrəmanlıq dastanıdır və əsgərlərimizin yüksək döyüş ruhu, vətənpərvərlik hissi, əzmkarlığı dillər əzbəridir.
Görüşdə iştirak edən şəhid anaları Zəfər Gününün 5 illiyi münasibəti ilə fəxri fərmanla təltif olunublar.
