Xəbər verdiyimiz kimi, 8 noyabr – Zəfər Gününün beşinci ildönümü və rayonda keçiriləcək 16-cı Nar festivalı ilə əlaqədar Göyçay rayon İcra Hakimiyyətinin tapşırıq və göstərişinə əsasən, Şəhər Təsərrüfatı Birliyi gücləndirilmiş iş rejimində işləyir.
Düzgün.az xəbər verir ki, Şəhər Təsərrüfatı Birliyinin Yaşıllaşdırma sahəsi tərəfindən rayonun müxtəlif ərazilərinə yeni əkilən və əkilmiş ağac və gül-çiçək kolları suvarılır və aqrotexniki qulluq olunur.
Görülən işlər çərçivəsində 8 Saylı Mingəçevir şəhər Ekologiya və Təbii Sərvətlər İdarəsi ilə razılaşma əsasında Yaşıllaşdırma sahəsi rayonun prospekt və küçələrində həddindən artıq qol-budaq atıb sürücülərə və piyadalara təhlükə törədən ağacların budanılması işlərini qrafikə uyğun olaraq aparır.
Bildirək ki, 6 noyabr tarixində növbəti iş Rauf İsayev küçəsində icra olunub. Sözügedən əraziyə texnika və canlı qüvvə cəlb olunub.Küçəboyu mövcud olan ağacların qurumuş budaqları budanılıb.Budanılan budaqlar ərazidən götürülüb, sakinlərə yaranacaq təhlükənin qarşısı alınıb.
Qeyd edək ki, qrafikə əsasən, digər küçələrdədə ağacların budanılması həyata keçiriləcək.
Səbuhi Eltonlu
Düzgün.az Şəhər Təsərrüfatı Birliyi
