8 noyabr – Zəfər Gününün beşinci ildönümü ilə əlaqədar Göyçay rayon İcra Hakimiyyətinin tapşırıq və göstərişinə əsasən, Şəhər Təsərrüfatı Birliyinin Yaşıllaşdırma Sahəsi tərəfindən rayonun müxtəlif ərazilərinə ağac və gül-çiçək kollarının əkilməsi davam etdirilir.
Düzgün.az xəbər verir ki, müəyyən olunmuş qrafikə uyğun olaraq 3 noyabr tarixində növbəti dekorativ güləkmə aksiyası rayonun Heydər Əliyev prospektində yerləşən Mərkəzin qarşısında keçirilib.
Belə ki, I və II Qarabağ müharibəsində şəhid olan Vətən oğullarının əziz xatirəsinə ehtiram əlaməti olaraq əkiləcək dekorativ gülün yerləri müəyyən edilib, torpaq örtüyü hamarlanıb, çalalar qazılıb və hazır vəziyyətə gətirilib.
Daha sonra 80 ədəd xrizonrema dekorativ gül əkilib. Suvarılıb və aqrotexniki qulluq olunub.
Aksiyanın keçirilməsində əsas məqsəd ölkənin ərazi bütövlüyü və suverenliyi uğrunda canlarından keçən şəhidlərin xatirəsini ehtiramla yad etməkdir.Həmçinin, Vətənə xidmət ruhunu gənclərə aşılamaq, onların qəhrəmanlıq tarixini və təbiətə olan sevgini qoruyub yaşatmaqdır.
Qeyd edək ki, digər günlərdə də rayonun müxtəlif yerlərinə ağac və gül-çiçək kollarının əkilməsi həyata keçiriləcək.
Səbuhi Eltonlu
Düzgün.az Şəhər Təsərrüfatı Birliyi
