8 noyabr – Zəfər Gününün beşinci ildönümü ilə əlaqədar Göyçay rayon İcra Hakimiyyətinin tapşırıq və göstərişinə əsasən, Şəhər Təsərrüfatı Birliyinin Yaşıllaşdırma Sahəsi tərəfindən rayonun müxtəlif ərazilərinə ağac və gül-çiçək kollarının əkilməsi davam etdirilir.
Düzgün.az xəbər verir ki, müəyyən olunmuş qrafikə uyğun olaraq 31 oktyabrda növbəti ağacəkmə aksiyası rayonun M.Ə.Rəsulzadə və N.Nərimanov küçələrinin küçələrinin kəsişməsində yerləşən Sabir bağında keçirilib.
Belə ki, I və II Qarabağ müharibəsində şəhid olan Vətən oğullarının əziz xatirəsinə ehtiram əlaməti olaraq əkiləcək ağacların yerləri müəyyən edilib, torpaq örtüyü hamarlanıb, çalalar qazılıb və hazır vəziyyətə gətirilib.
Daha sonra 2 ədəd tuya, 15 ədəd sərv ağacı və 9 ədəd oleandr gülü əkilib. Suvarılıb və aqrotexniki qulluq olunub.
Qeyd edək ki, digər günlərdə də rayonun müxtəlif yerlərinə ağac və gül-çiçək kollarının əkilməsi həyata keçiriləcək.
Səbuhi Eltonlu
Düzgün.az Şəhər Təsərrüfatı Birliyi
