Düzgün.az xəbər verir ki, 2025-ci il oktyabrın 29-da saat 00:43 radələrində Göyçay şəhərinin Heydər Əliyev prospekti ərazisindən keçən rabitə xətlərinin kəsilməsi nəticəsində bir neçə istiqamətdə telekommunikasiya xidmətlərində ciddi nasazlıq qeydə alınıb.
Belə ki, 13 internet xəttinin kəsilməsi nəticəsində ümumilikdə 5000 abunəçinin internet bağlantısında, rayonun 20 yaşayış məntəqəsində “Azərcell” mobil rabitə şəbəkəsinin istifadəsində, həmçinin “Göyçay Rayon Mərkəzi Xəstəxanası” publik hüquqi şəxsin internetlə təminatında fasilə yaranıb.
Göyçay Rayon Polis Şöbəsində dərhal araşdırma başlanılıb, həyata keçirilən operativ-axtarış tədbirləri nəticəsində hadisəni törətməkdə şübhəli şəxs qismində Göyçay şəhər sakini, 1963-cü il təvəllüdlü Adilov İlham Əşrəf oğlu müəyyən edilərək saxlanılıb.
İlkin araşdırmalar zamanı müəyyən olunubdur ki, qeyd olunan şəxs oğurluq niyyəti ilə internet xətlərinə zərər vurub.
Hazırda fakt üzrə araşdırma davam etdirilir.
About the Author
