Göyçay rayon İcra Hakimiyyətinin tapşırıq və göstərişinə əsasən, torpaq-iqlim şəraitinə uyğun olaraq rayonun müxtəlif yerlərində yaşıllıqların salınması, gül-çiçək kollarının əkilməsi, müəyyən olunmuş qrafikə uyğun olaraq Şəhər Təsərrüfatı Birliyinin Yaşıllaşdırma sahəsi tərəfindən icra olunur.
Düzgün.az xəbər verir ki, 22 oktyabr tarixində növbəti iş rayonun Heydər Əliyev prospektində yerləşən park ərazisində görülüb.Sözügedən ərazidə müxtəlif növ ağacların əkilməsi üçün ilkin olaraq torpaq örtüyü bellənib, hamarlanıb və hazır vəziyyətə gətirilib.
Daha sonra 15 ədəd oleandr, 2 ədəd sərf və 10 ədəd dekorativ ağac əkilib. Suvarılıb, aqrotexniki qulluq olunub.
Bildirək ki, rayonda yaşıllıqların qorunması, ətraf mühitin mühafizəsinə ictimai dəstəyin gücləndirilməsi, ekoloji məsuliyyət hissinin artırılması və iqlim dəyişikliklərinə qarşı maarifləndirmənin genişləndirilməsi Şəhər Təsərrüfatı Birliyi tərəfindən diqqətdə saxlanılır.
Səbuhi Eltonlu
Düzgün.az Şəhər Təsərrüfatı Birliyi
