Düzgün.az xəbər verir ki, Fransanın keçmiş prezidenti Nikolya Sarkozi cəzasını digər məhbuslarla əlaqəsi olmayacaq təkadamlıq kamerada keçirəcək.
Bu barədə France TV mənbələrə istinadən məlumat yayıb.
O, cəzasını oktyabrın 21-də Parisin mərkəzində yerləşən La Sante həbsxanasında çəkməyə başlayacaq. Müəssisənin “VIP zonası” kimi tanınan ayrıca bloku var – bu, başqaları ilə təmasdan təhlükəsizliyi risk altında ola biləcək məhbuslar üçün nəzərdə tutulmuş otaqlardan ibarətdir. Lakin Sarkozi bu blokda yerləşdirilməyəcək.
Keçmiş prezident kamerasında tək qalacaq və ayrıca həyəti olacaq. O, kamerasında stasionar telefon, ziyarət yeri və gündə iki dəfə gəzinti ilə təmin olunacaq.
Sarkozi həbs olunduğu ilk saatlarda şərti azadlığa çıxa biləcək.
Fransa məhkəməsi daha əvvəl Fransanın keçmiş prezidentini 2007-ci ildəki seçki kampaniyası ilə əlaqədar 5 il həbs cəzasına məhkum etmişdi və o, 43 milyon avro xərcləməkdə ittiham olunurdu. Bu da qanuni limitdən təxminən iki dəfə çoxdur.