Düzgün.az xəbər verir ki, 30 sentyabr 2025-ci il tarixində Göyçay Dövlət Peşə Liseyinin, Mərkəzi Aran Regional Gənclər və İdman İdarəsinin Göyçay rayonu üzrə Gənclər və İdman sektorunun birgə təşkilatçılığı ilə “Qadın, həyat, azadlıq” adlı seminar keçirilib.
Seminar Göyçay rayon Polis Şöbəsinin əməkdaşı Nihad Abbasov, Göyçay rayonu üzrə gənclər və idman sektorunun müdiri Təranə Nuriyeva, GİKM-in Dağlıq Şirvan nümayəndəliyinin direktoru Coşqun İsmayılov, Göyçayda qadınlara Dəstək İctimai Birliyinin sədri V.Məmmədova, Liseyinin direktor əvəzi Elxan Əliyev, pedaqoji kollektiv və liseyin xanım tələbələri iştirak ediblər.
Tədbir giriş sözü ilə açan Elxan Əliyev qadının cəmiyyətdə yeri və rolu,məişət zorakılığı və onun fəsadları haqqında məlumat verib. Bildirib ki, Azərbaycanda qadınların hüquqlarının qorunması, onların ictimai fəallığının təşkili məsələsi ulu öndər Heydər Əliyev tərəfindən hər zaman diqqət mərkəzində saxlanılıb. Məhz Ümummilli Liderin qadın siyasətinin nəticəsi idi ki, 1998-ci ildə Azərbaycanda qadınların hüquqlarını müdafiə etmək və bu sistemi mərkəzləşdirmək məqsədilə Qadın Problemləri üzrə Dövlət Komitəsi yaradılıb.Hazırda həmin komitə 2006-cı ildən Ailə, Qadın və Uşaq Problemləri üzrə Dövlət Komitəsi adlanır. 2000-ci ildə qadın siyasəti ilə bağlı imzalanan müvafiq Fərman ölkəmizdə qadınların imkanlarını daha da artırdı. Bu da dövlət idarəçiliyində, təhsil, səhiyyə və mədəniyyət sahələrində qadınların sayının artmasına gətirib çıxardı.
Daha sonra tədbirdə Nihad Abbasov, Təranə Nuriyeva, Coşqun İsmayılov və V. Məmmədova çıxış edərək bidiriblər ki, hər zaman elmə, təhsilə, mədəniyyətə yüksək qiymət verən Azərbaycan xalqı qadınların təhsil alması, onların hüquqlarının qorunması, ictimai fəaliyyətlə məşğul olmaları məsələsinə müsbət münasibət göstərib. Əsrin əvvəlində yaranan Azərbaycan Xalq Cümhuriyyəti, nəinki ümumilikdə Şərqin, həm də Qərbin bir sıra dövlətlərindən də əvvəl qadınların seçki hüququnu tanıyan bir dövlət olub. Bu gündə qadınlara göstərilən diqqət Azərbaycan Respublikasının Prezidenti İlham Əliyev tərəfindən uğurla davam etdirilir. Ölkəmizdə cəmiyyətdə böyük missiyası olan qadınların hüquqları yüksək səviyyədə qorunur, onlar seçib-seçilmək hüququna malikdirlər.
Sonda tələbələrin mövzu ilə bağlı səsləndirdikləri suallara aydınlıq gətirilib.
Səbuhi Eltonlu
About the Author
