Bu gün yeni dərs ilinin başlanması ilk dəfə məktəbə gedən birincilər üçün xüsusilə əlamətdar tarixdir. Bu il ilk dəfə məktəb qapısını açan uşaqlar arasında şəhid Pərvin Məmmədovun qızı Zəhrada var.
Düzgün.az xəbər verir ki, 44 günlük Vətən müharibəsi zamanı torpaqlarımızın azadlığı uğrunda gedən döyüşlərdə qanı ilə tarix yazaraq şəhidlik zirvəsinə ucalan Pərvin Rza oğlu Məmmədovun qızı Zəhra Məmmədova Göyçay şəhər Məhəmməd Füzulu adına 6 saylı tam orta məktəbin birinci sinfinə ilk qədəmlərini qoyub.
Şəhidimizin qızı Yeniarx kənd qəbiristanlığında uyyan atasın məzarını ziyarət edərək xeyir-dua “alıb.Onun adını uca tutacağına, həmişə yaşadacağına and içib.
Xatırladaq ki, Pərvin Məmmədov 1994-cü il martın 30-da Göyçay rayonunun Yeniarx kəndində anadan olub. 2020-ci il sentyabrın 27-də başlayan İkinci Qarabağ müharibəsində Ağdərə istiqamətində döyüşlərdə iştirak edib.Oktyabrın 2-də Ağdərə döyüşləri zamanı şəhid olub.Göyçayda Yeniarx kənd qəbirstanlığında dəfn edilib.
Ölümündən sonra Prezident İlham Əliyevin sərəncamı ilə“Vətən uğrunda”, “Suqovuşanın azad olunmasına görə” və “İgidliyə görə” medalları ilə təltif olunub.
Səbuhi Eltonlu
