Xəbər verdiyimiz kimi, havaların isti keçməsi ilə əlaqədar Göyçay rayon İcra Hakimiyyəti yanında Şəhər Təsərrüfatı Birliyi tərəfindən rayonda mövcud olan gül-çiçək kolları və yaşıllıq sahələri qrafikə uyğun olaraq gündəlik suvarılır.
Düzgün.az xəbər verir ki, 10-11 sentyabr tarixində növbəti suvarma işi rayonun M.Ə.Rəsulzadə küçəsində yerləşən çoxmərtəbəli yaşayış binasının qarşısında istismara yararsız vəziyyətdə olan fəvvarə kompleksində salınmış yaşıllıqda, Heydər Əliyev prospektində park ərazisində, Bakı-Şamaxı-Yevlax avtomobil yolunun Göyçay rayonu Natavan küçəsində yol dairəsində aparılıb.
Qeyd olunan ərazilərdə əkilən müxtəlif növ ağaclar, gül-çiçək kolları suvarılıb və aqrotexniki qulluq olunub.
Bildirək ki, rayonda yaşıllıqların qorunması, ətraf mühitin mühafizəsinə ictimai dəstəyin gücləndirilməsi, ekoloji məsuliyyət hissinin artırılması və iqlim dəyişikliklərinə qarşı maarifləndirmənin genişləndirilməsi Şəhər Təsərrüfatı Birliyi tərəfindən diqqətdə saxlanılır.
Səbuhi Eltonlu
Düzgün.az Şəhər Təsərrüfatı Birliyi
