Xəbər verdiyimiz kimi, havaların isti keçməsi ilə əlaqədar Göyçay rayon İcra Hakimiyyəti yanında Şəhər Təsərrüfatı Birliyinin Yaşıllaşdırma Sahəsi tərəfindən rayonun müxtəlif yerlərinə əkilmiş gül-çiçək kolları və ağaclar müəyyən olunmuş qrafikə əsasən gündəlik olaraq suvarılır.
Düzgün.az xəbər verir ki, növbəti suvarma işi Heydər Əliyev prospektində park ərazisində, Bakı-Şamaxı-Yevlax avtomobil yolunun Göyçay rayonu Natavan küçəsində yol dairəsində və Əli Kərim küçəsində (avtovağzal ərazisində) aparılıb.
Qeyd olunan ərazilərdə əkilən müxtəlif növ ağaclar, gül-çiçək kolları suvarılıb və aqrotexniki qulluq olunub.
Bildirək ki, rayonda yaşıllıqların qorunması, ətraf mühitin mühafizəsinə ictimai dəstəyin gücləndirilməsi, ekoloji məsuliyyət hissinin artırılması və iqlim dəyişikliklərinə qarşı maarifləndirmənin genişləndirilməsi Şəhər Təsərrüfatı Birliyi tərəfindən diqqətdə saxlanılır.
Səbuhi Eltonlu
Düzgün.az Şəhər Təsərrüfatı Birliyi
