Düzgün.az xəbər verir ki, Göyçay Rayon Mərkəzi Xəstəxanasına (RMX) təyin olunan yeni direktor Zahir Əliyev kollektivə təqdim edilib.
Yeni direktoru kollektivə TƏBİB-in İcraçı direktorunun müşaviri Anar Ağayev təqdim edib.
Anar Ağayev çıxış edərək direktor vəzifəsinə yeni təyin olunan Zahir Əliyevin idarəçilik təcrübəsi və tibb sahəsindəki peşəkarlığını vurğulayaraq kollektivə uğurlar arzulayıb.
Zahir Əliyev çıxışı zamanı göstərilən etimada görə təşəkkürünü bildirib və qarşıya qoyulan tapşırıqların vaxtında icrası, yeni layihələrin həyata keçirilməsi istiqamətində prioritet planlarını təqdim edib.
Qeyd edək ki, Z.Əliyev bu təyinata qədər Ədliyyə Nazirliyi Penitensiar Xidmətin müəssisəsində baş həkim vəzifəsində çalışıb. İxtisasca pediatrdır.
