Xəbər verdiyimiz kimi, yay mövsümü ilə əlaqədar olaraq Göyçay rayon İcra Hakimiyyəti yanında Şəhər Təsərrüfatı Birliyi tərəfindən rayonun bütün ərazilərində mövcud olan yaşıllıq sahələri qrafikə uyğun olaraq gündəlik suvarılır.
Düzgün.az xəbər verir ki, 27-28 avqust tarixində növbəti suvarma işi rayonun Əli Kərim parkında, M.Ə.Rəsulzadə küçəsində yerləşən çoxmərtəbəli yaşayış binasının qarşısında istismara yararsız vəziyyətdə olan fəvvarə kompleksində aparılıb.
Qeyd olunan ərazilərdə əkilən müxtəlif növ ağaclar, gül-çiçək kolları suvarılıb və aqrotexniki qulluq olunub.
Bildirək ki, rayonda yaşıllıqların qorunması, ətraf mühitin mühafizəsinə ictimai dəstəyin gücləndirilməsi, ekoloji məsuliyyət hissinin artırılması və iqlim dəyişikliklərinə qarşı maarifləndirmənin genişləndirilməsi Şəhər Təsərrüfatı Birliyi tərəfindən diqqətdə saxlanılır.
Səbuhi Eltonlu
Düzgün.az Şəhər Təsərrüfatı Birliyi
