Xəbər verdiyimiz kimi, havalar isti keçdiyi üçün Göyçay rayon İcra Hakimiyyəti yanında Şəhər Təsərrüfatı Birliyinin Yaşıllaşdırma Sahəsi tərəfindən rayonun müxtəlif yerlərində əkilmiş gül-çiçək kolları və ağaclar müəyyən olunmuş qrafikə əsasən, gündəlik olaraq suvarılır.
Düzgün.az xəbər verir ki, 25-26 avqust tarixində növbəti suvarma işi Heydər Əliyev prospektində yerləşən park ərazisində, M.Ə.Rəsulzadə küçəsində rayon İcra Hakimiyyəti binasının qarşısında, M.Ə.Rəsulzadə və Nərimanov küçələrinin kəsişməsindəki Sabir bağında görülüb.
Qeyd olunan ərazilərdə əkilən müxtəlif növ ağaclar, dekorativ güllər mövcud olan arxlardan pompa vasitəsilə su götürülərək suvarılıb və aqrotexniki qulluq olunub.
Bildirək ki, rayonda yaşıllıqların qorunması, ətraf mühitin mühafizəsinə ictimai dəstəyin gücləndirilməsi, ekoloji məsuliyyət hissinin artırılması və iqlim dəyişikliklərinə qarşı maarifləndirmənin genişləndirilməsi Şəhər Təsərrüfatı Birliyi tərəfindən diqqətdə saxlanılır.
Səbuhi Eltonlu
Düzgün.az Şəhər Təsərrüfatı Birliyi
About the Author
